أحمد آدم يسخر من تقاليع رمضان بطريقة فكاهية في "آدم شو"

أحمد آدم

ابراهيم حسان

الخميس، 16 مارس 2023 11:26 م

استعرض الفنان أحمد آدم، في برنامجه "آدم شو" المذاع عبر قناة الحياة، ردود أفعال المصريين في شهر رمضان المبارك، لاسيما عندما يتعرضون لمضايقات، قائلا: "فيه واحد لما حد يضايقه يقولك، ماتخلنيش أفطر عليك.. هو أنا بلحة واقفة قدامك".

أضاف أحمد آدم: "التليفزيون بقى من أساسيات رمضان، الناس تقعد حوالين المسلسلات والفوازير وقت الفطار، وتلاقي الإعلانات في المسلسلات.. أنا بيعدي عليا رمضان مش بشوف غير إعلانات، وفجأة تلاقي واحد خد طلقة في مسلسل موجود في مسلسل تاني بينتقم من واحد تاني".

وأكمل أحمد آدم: "بنلاقي في رمضان 100 مليون ناقد فني، وتلاقي واحد يقولك الممثل ده غور تمثيل، وتلاقي شابوهات بتتوزع كتير جدا، وأنتو يا جماعة ماعندكمش غير الشابوهات".

واستكمل أحمد آدم ساخرا: "أنا مش بكره في حياتي قد التقاليع، وأول مرة أسمع في حياتي عن بوكس رمضان، وفي يوم ماشي في الشارع لقيت زحمة بسأل لقيت ناس بتشتري بوكس رمضان، افتكرت البوكس فيه زيت وسكر وعدس، وقلت للراجل هات 3 أو 4 بوكس رمضان، رحت أدي بوكس لواحدة ست كبيرة في السن، فتحته ولقيتها بتبص ليا بصة غريبة، بصة كلها حب لأن البوكس طلع فيه قلب وورود، وبتقولي معقولة يا سي أحمد كده بتفاجئني ولقيتها بتديني ورقة وتقولي ده رقم بابا".

ويعد "آدم شو" أضخم برنامج كوميدي على الشاشات المصرية والعربية، ويناقش آدم، في البرنامج، في إطار كوميدي وساخر، بعض الظواهر والسلوكيات الاجتماعية، كما يمزج البرنامج بين الاستاند أب كوميدي والأغاني، ويستضيف أشهر نجوم المحتوى الكوميدي على السوشيال ميديا، ويذاع البرنامج، على شاشة تليفزيون الحياة، يومي الخميس والجمعة، في العاشرة مساء.

ويقدم البرنامج الفنان أحمد آدم، الذي سبق وقدم برنامج "بني آدم شو" على شاشة تليفزيون الحياة، وحقق ملايين المشاهدات، ما جعله يتصدر قائمة أكثر البرامج مشاهدة في مصر والوطن العربي.

ويتمتع الفنان أحمد آدم، بحس كوميدي، يمكنه من مناقشة القضايا والموضوعات، بطريقة جاذبة للمشاهد، فضلا عن قدرة على الإلمام بكافة تفاصيل الحياة اليومية للمواطن المصري.

وتعرض منصة watch it الرقمية الفيلم الكوميدى "صابر وراضى" للفنان أحمد آدم، حصرياً ولأول مرة، ليكون عرض الأول على المنصات من خلال Watch it التى تجهز عدداً من المفاجآت لمشتركيها مع انطلاق عام 2023.