نهال عنبر لـ"واحد من الناس": كنت شقية جدا خلال صغرى

قالت الفنانة نهال عنبر إنها كان شقية جدا وهى صغيرة وكانت مسافرة مع والدتها لبنان على مركب وماسكة يد والدتها، متابعة: وأحنا طالعين وهى ركزت فى الشنط اللى الونش بيرفعها فتركت يدها واختفت عن الأنظار. 

وأضافت خلال لقائها مع الإعلامى دكتور عمرو الليثى ببرنامجه واحد من الناس على شاشة الحياة، أن والدتها عندما سمعت صوت محرك المركب اعتقدت أن ابنتها وقعت فى الماء والمحرك نزلنى تحت، متابعة: ظلوا يبحثوا عنى فى المركب كلها فوجدونى قاعدة فى غرفة القبطان وقطعت له كل الورق اللى فيها. 

وتابعت نهال: من كتر شقاوتى أيضاً كان لى واحدة صاحبتى نصف ألمانية ونصف مصرية وكانت شقية جدا، وكانت تعبانة وسخنة وماما رفضت تاخدنى معاها عند جدتى، فاتت لى دينا صحبتى وقالت لى تعالى معايا نجيب عيش، وروحت معاها ورجعت وجدت ماما فى البيت، وضربتنى بالشماعة، وأحفادى أيضا أشقياء جداً ويأتوا بأصحابهم ويعملوا دوشه فى البيت.

وقال يوسف وياسين احفاد الفنانة نهال عنبر إنهما فى مرة جابوا أصدقائهم وولعوا شماريخ فى البلكونة والجيران أعتقدوا انها حريقة وأبلغوا المطافى.