جمال عزف السمسمية.. فرقة شباب البحر في ضيافة "مصر تغني"

استضاف برنامج "مصر تغني" فرقة شباب البحر، وهي فرقة متخصصة في العزف على السمسمية وغناء أغاني التراث الساحلي في مصر، حيث غنوا العديد من الأغاني التي اشتهرت بها المدن الساحلية المصرية وبالتحديد البحر الأحمر.

وقال عمرو راوي، مؤسس فرقة شباب البحر خلال لقائه مع الإعلامي أحمد عطاالله ببرنامج "مصر تغني": "كلنا مولودين في غارب، حمادة جاري ومحمد معاه فرقة وكنا بنشوفه وهو بيعزف السمسمية، كلنا عارفين بعض، وبدأنا شغل الفرقة في 2009، ولقينا الناس بتشجع الفرقة وقررنا إننا نستمر وأطلقنا عليها فرقة شباب البحر، البحر الأحمر".

بينما قال عمر طليحي، أحد أعضاء الفرقة، خلال لقائه بالبرنامج: "معظمنا شغال في شركات بترول، وطلعنا لاقينا أهالينا وأجدادنا بيدقوا سمسمية، طلعنا وسطهم ونشأنا معاهم، وكل منطقة لها لون، واحنا لوننا اللي نشأنا عليه، هو اللون اللي بنغني به دلوقتي، وهو تراث غارب"