"ناسها البسيطة" ياسر والدته توفت وعمره 6 شهور وخالته شقيت عليه هو وإخوته

"الخالة والدة"، تجسد هذا المعنى فى المواطن ياسر، الذى توفت والدته وعمره 6 شهور، وتولت خالته مسئووليته هو وإخوته، قائلا: "والدتى، بطلع من البيت تدعيلى تقولى ربنا يسهلك ويسترها معاك، ويرجعك بالسلامة لعيالك وبيتك، والدتى اتوفت وعمرى 6 شهور".

وأضاف خلال لقائها ببرنامج "ناسها البسيطة"، مع الإعلامى أحمد رأفت، عبر قناة "CBC": "اللى ربتنى خالتى فأنا طلعت على أساس خالتى دى والدتى، ولغاية دلوقتى من 40 سنة زى والدتى، الست دى كل حاجة فى حياتى وهى اللى ربتنا، احنا 4، وربتنا وشقيت علينا، ووالدى شقى علينا، بس والدى سابنا وربنا افتكره وهى شالت كل حاجة". 

وتابع: "بقولها ربنا يخليكى ليا ولاخواتك، وكفاية دعاكى ليا فى كل صلاة، وربنا يسترها معاكى فى الدنيا والآخرة، وانتى أمى قد الدنيا كلها، ومهما اعمل مش هوفى عمايلك".