مصطفى غريب يشكر القائمين على "الكبير أوى 7" ويعلق: بنحاول نقدم حاجة تفرح الناس

وجه الفنان مصطفى غريب، الشكر لكل القائمين على الجزء السابع من مسلسل الكبير أوى الذى يعرض خلال الماراثون الرمضانى الحالي، وعلق قائلاً على صفحته: فركش مسلسل الكبير، عاوز أشكر كل الناس اللى كانت قدام الكاميرا وورا الكاميرا على مجهودهم الكبير أوى عشان المسلسل يكمل للآخر يا رب دايمًا متجمعين وبنحاول نقدم حاجة تبسط وتفرح الناس فضل ربنا كان كبير أوووى عليا أنه جعل الأحمدين فى طريقى.. أستاذ أحمد مكى وأستاذ أحمد الجندى، شكرًا لكل اللى بتعملوه معايا ومع غيرى ربنا يجعلكوا سبب دايمًا فى سعادة وفرحة الناس بحبكو جدًا ومدين ليكو بحاجات حلوة كتييير أوى تابعو مسلسل الكبير ومن النهاردة هنبدأ حلقات الكورة بقيادة أعقل العاقلين عمو حزلقوم يا رب تنبسطو.