دخل السينما عبر خشبة المسرح.. محطات في حياة «فيلسوف الكوميديا» محمد عوض

الفنان الراحل محمد عوض، اشتهر عوض بــ " فيلسوف الكوميديا" بتقديم الأفلام الكوميدية، اسمه الحقيقى محمد محمد عوض يوسف، والذى حقق نجاح كبير في السينما والمسرح والتليفزيون.

اليوم ذكرى ميلاد ملك من ملوك الكوميديا الفنان محمد عوض ، حيث ولد فى 12 يونيو 1932 القاهرة في حى العباسية، وحصل على ليسانس أداب جامعة عين شمس قسم فلسفة، والتحق بعدها بالمعهد العالى للفنون المسرحية واتخرج منه سنه ١٩٦٢.

ومن أعماله التى كانت بتدخل قلوبنا بسبب طبيعته الكوميديه التى كانت بتظهر في كل الادوار اللى قام بيها ومن اشهرهم  شخصيه " شراره" اللى قدمها في مسلسل "برج الحظ" اللى كان قايم فيها بدور المنحوس وكل اللى حواليه متشائمين منه وأول مايشوفوه يهربوا منه علطول.

كما شارك عوض فى فريق التمثيل بالمدرسة وأتبع مدرسة نجيب الريحاني اللي اتميزت مدرسته بكوميديا المواقف الإنسانية.

وبعد وفاة والديه اتحمل مسئولية إخواته البنات وكان لسه  فى مراحل التعليم، ومن هواياته الكشافة وكرة القدم والرحلات.

بدأ مشواره الفني على مسرح جامعة عين شمس وقدم العديد من أدوار نجيب الريحانى، وإنضم بعدها لفرقة الريحانى وكان لسه بيدرس في الجامعه , وكان بياخد وقتها مرتب شهرى 7 جنيهات.

ومن أشهر مسرحياته الطرطور ، نمرة 2 يكسب، مطرب العواطف ، وقدم أكتر من 30 عملا مسرحيا و80 فيلما في تاريخ السينما المصرية.

اتجوز محمد عوض من زميلتة فى الدراسة  وخلف 3 أولاد وهم جميلة عوض، والتي دخلت إلى عالم التمثيل، والابن الثاني هو عاطف عوض والذي عمل مصمماً للاستعراضات الفنية، الابن الثالث هو علاء عوض والذي عمل ممثلا كوالده، وشارك في العديد من الأفلام.

كان له دور وطنى كبير في كل الأحداث المهمة اللى مرت على مصر ،وطول فترة حرب الاستنزاف كان بيروح بفرقته على الجبهة عشان يقدم العروض للجنود، ولسه لحد انهارده في ذكرى ميلاده  حاضر في قلوبنا بأفيهاته الكوميديه اللى عمرنا ماهانقدر ننساها.