رضوي الشربينى تثير التساؤلات بتغريدة جديدة على "تويتر"

شاركت الإعلامية رضوى الشربيني، متابعيها بتغريدة جديدة على تويتر عبر حسابها على تويتر، وكتبت قائلة: "الحب زي الحرب الاتنين محتاجين رجال".

وأثارت التغريدة جدلاً واسعًا وتفاعلاً من الجمهور، وجاءت تعليقاتهم كالتالي: "فعلا معاكي حق، وأنا هفضل أحارب طول حياتي، و"كلام كبير وفعلاً هذا الرابط بينهم".

 

وتحدثت الإعلامية رضوى الشربينى، خلال حلقتها من برنامجها "هى وبس"، أول أمس السبت عبر قناة cbc سفرة، عن أسباب فشل العلاقات العاطفية والتى يكون أغلبها رد فعل عكسى لما تقوم به الفتيات وتبذله من مجهود لإنجاح العلاقة ولكنها تتفاجأ بابتعاد حبيبها عنها.

وأضافت رضوى الشربيني: "لو عايز لبن العصفور اشتريهوله وهو قاعد ملك ميتحركش من مكانه يقوم هو يحبك ويقع فى غرامك ويحس انك مقطعة نفسك علشانه، ولازم تحسسيه انك مش هتقدرى تعيشى من غيره وإن النفس اللى انتى بتتنفسيه دى مرتبط بيه وانك هتموتى من بعده وهتقطعى شرايينك وتنتحرى".

واستكملت رضوى الشربيني قائلة : "خليه يحس قد ايه انتى متمسكة بيه وان ولائك ليه يقوم يحبك ويقع فى غرامك ويتجوزك، وابقى قابلينى وقولى عليا مبفهمش لو عملتى الكلام دة وقعد معاكى شهرين على بعض".

واستنكرت رضوى الشربيني قائلة :" ازاى اصلا اشوف وافكر ازاى الراحل اللى فى حياتى يحبنى أن شاء الله ما عنه حبنى، اللى يحبنى يحبنى على بعضى بشكلى وطريقتى وبصوتى الهادى أو صوتى العالى وبشغلى وطريقة لبسى، ولازم يعرف أنه هيحب الباكدج على بعضه وساعتها هيتشال فوق الراس، لو مش هتحبنى كدة فى بلايين من الرجالة على كوكب الأرض غيرك يحبونى وهعرف احبهم".

واختتمت رضوى الشربيني : "مستحيل افكر ازاى ارضى راجل، اللى يحبك يبقى زى ما انتى ياما بوسة كبيرة لبابا ولماما وطنط واحنا مش عايزينه، واى بنت بتعمل العشر حاجات اللى قولت عليهم يبقى تأكدى أنه ماشى ومش هيكمل معاكى".