صدقى صخر: عشت أجواء مسلسل ريفو في التسعينيات.. فيديو

حل الفنان صدقى صخر، ضيف في لقاء خاص على تلفزيون اليوم السابع، وتحدث عن كواليس تصوير مسلسل ريفو 2، وكيف عاش فترة التسعينات في الحقيقة.

وقال صدقى:"كنت  في حاجه شبه فترة صعود باند ريفو في المسلسل كانت فترة اكتشاف المسرح وأول مرة ابقى في فرقة مسرح وبعدين فترة تأسيس باند يسرا الهوارى وندور على استديوهات و نشوف هنسجل فين وعاوزين نعمل ألبوم هنجيب فلوس منين قصة مختلفة عن مسلسل ريفو بس قصدى انى كنت عايش الأجواء  دى وفاهمه جدا والمعاناة اللى مرينا بها، وكنت بحب اسمع فرقة فتحى سلامة  واحضر حفلات يحيى خليل في الاوبرا".

وأضاف في حديثه:" مشاهد المصحة في ريفو 1 بحبها و كانت صعبة جدا ومتصل معاها بشكل حقيقى و في ريفو 2 مشهد الانتحار، وعلى الصعيد الأخر كل المشاهد اللى مع يارا على البحر كانت لذيذة و بحبها و كواليس تصوير المشاهد كنا بنصور في عز الثلج ومشهد لما كنت في summer nights  مع يارا و بقلع التيشيرت و برقص التصوير كان في ديسمبر أو يناير في عز موجه البرد وحظنا أن إحنا كنا بنصور في أسبوع موجه البرد و لابسين جواكت تقيلة وأول ما تيجى لحظة الأكشن قلعت كل ده لان التصوير كأننا في الصيف ومشهد قفزة الثقة في ريفو 1  انبسطنا جدا في الكواليس و كان يوم حلو ومن الأيام اللى منسهاش".

وعرض مسلسل ريفو 2، حصريا عبر منصة watch it و بطولة كل من: أمير عيد، تامر هاشم، حسن أبو الروس، ركين سعد، سارة عبد الرحمن، صدقي صخر، مينا النجار، محسن محيي الدين، عمرو جمال، محمد المولى، هشام الشاذلي، حسام حسني، ملك حجازي، وتأليف محمد ناير، إخراج يحيى إسماعيل.