شاهد تأثر صدقى صخر وحبس دموعه أثناء كشفه عن كواليس مشهد انتحاره في ريفو 2

حل الفنان صدقى صخر، ضيف في لقاء خاص على تلفزيون اليوم السابع، وتحدث عن كواليس تصوير مسلسل ريفو 2، ومشهد انتحاره في الحلقة السادسة.

 وقال صدقى:" مشهد الانتحار كان تقيل جدا بالنسبة ليا وتحضيره كان صعب ومرهق نفسيا ليا وكنت بحاول ابقى حقيقى وأحط نفسى مكان شخص ليس له جدوى وملوش لازمه في الحياة و الاستغناء عنه سهل ، ودائما كل ما أتكلم عن المشهد بيبقى الموضوع مؤثر عليا لان شخصية مروان في المسلسل كان فاقد الأمل بعد موت شادى "أمير عيد".

وأضاف صدقى، في حديثه:" بنسمع عن الاكتئاب وعندنا فكره عنه لكن واعيا به ليس مثل أي حد بيمر به و بظروف صعبة هو مرض فعلا ولازم نهتم به ويمكن الظروف حططنى في موقف أو دور أذاكر عنه و أعرف معلومات أكتر وكل اللى محتاجين نعمله نتقبل أي حد بيمر بأى أزمة و مرض و اضطراب نفسى و نفهم أكتر ده ايه و دى حاجة مهمة".

وتابع:" المسلسل و احنا بنتفرج  عارفين كل التفاصيل و الأحداث وبنتفرج و احنا متأثرين جدا و دى حاجة كانت جديدة بالنسبة ليا ابقى في عمل وعارف كل تفاصيله وبتفرج كانى مشاهد وبشوف الأحداث لأول مرة  كل تفاصيله واتفرج كأنى مشاهد حاجة جديدة بالنسبة ليا ومؤثرة".

وعرض مسلسل ريفو 2، حصريا عبر منصة watch it و بطولة كل من: أمير عيد، تامر هاشم، حسن أبو الروس، ركين سعد، سارة عبد الرحمن، صدقي صخر، مينا النجار، محسن محيي الدين، عمرو جمال، محمد المولى، هشام الشاذلي، حسام حسني، ملك حجازي، وتأليف محمد ناير، إخراج يحيى إسماعيل.