صدقى صخر: رفضت ترقيات فى شركة هندسية لأكرس وقتى للفن

حل الفنان صدقى صخر، ضيفًا في لقاء خاص على تليفزيون اليوم السابع، وتحدث عن كواليس تصوير مسلسل ريفو 2، وعن قصة تركه الهندسة من أجل الفن وشغفه بالموسيقى والتمثيل.

وروى صدقى القصة، قائلاً: "اتخرجت من هندسة واشتغلت في شركة وكنت شاطر في شغلى وكنت عامل على جنب فرقة مسرح وبمثل في أفلام قصيرة وكنت بعمل ده كهواية بحب أعملها وفضل الوضع كده لحد ما حسيت أنى فاقد الشغف في الشغل اللى بعمله ومعنديش طموح فيه وكنت برفض ترقيات عشان يبقى عندى وقت للشغل اللى بحبه المسرح و كنت بقول لنفسى طب أنا هكبر فين في الشغل حسيت من اللحظة دى انى هركز في اللى بحبه الفن واسعى فيه شكل جاد وأكرس له كل وقتى".

وعن شغفه بالموسيقى والعزف، رد قائلاً: "مش بعيد أنى ممكن أعمل ألبوم لانى الموسيقى جزء من حياتى اليومية وبعزف موسيقى بشكل يومى، ودائمًا بحس فيه أن يبقى في محرك وحافظ معين اللى يخلينى اعمل ده وليس بهدف الانتشار ولو في حاجه بمر بيها وعاوز أكتب عنها بشكل موسيقى ده اللى يخلى مشروع زى ده يطلع للنور".

وعرض مسلسل ريفو 2، حصريا عبر منصة watch it و بطولة كل من: أمير عيد، تامر هاشم، حسن أبو الروس، ركين سعد، سارة عبد الرحمن، صدقي صخر، مينا النجار، محسن محيي الدين، عمرو جمال، محمد المولى، هشام الشاذلي، حسام حسني، ملك حجازي، وتأليف محمد ناير، إخراج يحيى إسماعيل.