وفاة شقيقتها "غنوة".. أنغام تحكى كواليس أصعب لحظات حياتها (فيديو)

استرجعت النجمة أنغام أصعب الذكريات واللحظات التى مرت عليها فى حياتها وهى وفاة شقيقتها الصغرى "غنوة" وخلال لقاء على يوتيوب قالت أنغام: "الموقف كان قاسيا جدا، وماكنتش عايزة أصدق خالص لحد ما أنا غسلتها بإيدى وكنت عايزة أصحيها".

وتابعت: "رغم إننا ماكناش على علاقة كويسة ببعض بس ماكنتش أتخيل ده يحصل مش بحب أدافع عن نفسى ومش بحب أتكلم عن حد مش موجود بس اللى أقدر أقوله بمنتهى الأمانة عمرى ماكنت سبب إن غنوة تزعل منى أو يحصل بينا المشكلة".

وعن الخلاف بين أنغام وشقيقتها حكت قائلة: "دى كانت بنتى مش أختى الفرق بينا أكثر من 16 سنة لو عمرها طال شوية  كان ممكن الأمور تتغير وممكن كانت عذرتنى لكن ربنا أراد كدة، هى ما عرفتش تعذرنى وهى كمان معذورة الله يرحمها لأنها ما لقتش اللى يحنن قلبها".

ووجهت رسالة إلى شقيقتها قائلة: "وحشتينى جدا، وحشتنى غنوة بنتى الصغيرة البنوتة اللى كنت بسرح ليها شعرها وأخدها فى حضنى وأقولها إن ياسين أحلى حاجة أنت سبتيها ليا فى الدنيا".