الفنان أحمد عصام: الناس كلها بتتكلم عن مهرجان العلمين برا مصر

وجه الفنان أحمد عصام الشكر للشركة المتحدة، على روعة تنظيم مهرجان العلمين الجديدة، وأكد أن المهرجان كان رائع بكل ما فيه، من التنظيم، إلى الفعاليات التى تقام على مدار اليوم، من سباقات السيارات، إلى العروض الترفيهية التى تقام في الشوارع، إلى السباقات الرياضية.

وقال الفنان أحمد عصام: "مهرجان العلمين اتولد كبير، وحاجة مشرفة جدا، وكل حاجة فيه كانت حلوة، مش بس الحفلات الغنائية، كان في فعاليات كتيرة حلوة جدا".

وتابع الفنان أحمد عصام قائلا: "أنا شاركت في الألعاب النارية في حفلات كتير من مهرجان العلمين، أبرزها حفلة الكينج محمد منير، وتامر حسني، وعملنا مجهود كبير جدا، والناس كلها بتتكلم عن المهرجان برة مصر مش في مصر بس".

وعن دخول تامر حسني حفله طائرا باستخدام الألعاب النارية في مهرجان العلمين: "احنا عملنا مجهود جبار، وكان الموضوع صعب جدا بس تامر بيحب الحاجات دي أوي".

وأضاف الفنان أحمد عصام قائلا: "انا سافرت برة مصر بعد ما خلصت شغلي في المهرجان، وحقيقي كل الناس بتتكلم على العلمين برة مصر".