الفنان طارق النهرى: أشكر الشركة المتحدة على نجاح مهرجان العلمين

جانب من التغطية

كتبت - هديل البنا

الجمعة، 01 سبتمبر 2023 04:00 ص

أكد الفنان طارق النهري، أنه فخور جدا بمشاركته وتكريمه في مهرجان القاهرة للدراما، الذي يقام بمدينة العلمين الجديدة، وأنه فخور للغاية بمهرجان العلمين الجديدة، وأن روعة التنظيم تعتبر خير دعاية للسياحة في مصر.

قال الفنان طارق النهري: "حقيقي بعد لما عرفت ان فيه مهرجان وبعتوا ليا الدعوة، عشان تكريم مسلسل جعفر العمدة، كان شيء، جميل جدا، شيء محترم جدا، فعلا خير دعاية لمدينة العالمين".

وتابع الفنان طارق النهري قائلا: " بشكر طبعا القائمين على المهرجان والشركة المتحدة والدكتور يحيى الفخراني والدكتور اشرف زكي، على أنهم عملوا المهرجان، وكان بهذا الشكل وهذا التنظيم، وكان شيء جميل جدا. اسعدنا جميعا".

وأضاف الفنان طارق النهري قائلا: " بالنبة للسياحة هو مهرجان العلمين خير دعاية، إن في مكان بالجمال ده بقوة الانشاء اللي حاصلة هناك في مدينة العلمين، يستحق إن العالم كله يشوفه، ونقول للعالم كله ان احنا عندنا حضارة جديدة، تواجه حضارة السبع تلاف سنة اللي حصلت، احنا بنعملها النهارده، بنعمل حضارة جديدة، وبنقول للعالم منها، إن مصر، هي الأم فعلا لكل العالم".

. وتابع الفنان طارق النهري قائلا: "احنا بنحب مصر قوي وعايزين نشوف مصر احلى بلد. عايزين نشوف مصر احسن بلد. واللي مش شايف ان مصر النهاردة تطورت وبقت احسن بلد. فهو اعمى. لا يرى الا الظلام الداخلي اللي موجود جواه".

وعن سر النظارة التي كان يرتديها في مهرجان القاهرة للدراما، قال الفنان طارق النهري:"للاسف انا قبل ما اروح المهرجان بيوم كنت عامل عملية في عيني اليمين، فاكانت العين حمرا جدا بطريقة مرعبة، فاكنت مضطر اغطيها لان كان ممنوع اتعرض لاضاءة عالية، فاكنت مغطي، بالنضارة السودا، مش اكتر من كده وانا بعتذر لجمهوري عن اللي حصل ده لكن غصب عني والله. غصب عني فعلا، ويسأل كل من كان في المهرجان. انا كنت لابس النضارة ليه؟".

وقال الفنان طارق النهري عن أخر أعماله: "الحمد لله رب العالمين انا بصور الفترة دي مسلسل اسمه نعم الأفوكاتو، مع مي عمر واحمد زاهر و كمال أبو رية، مسلسل اجتماعي جميل جدا في 15حلقة، هايتذاع في رمضان القادم ان شاء الله إخراج محمد كامل".