داليا شوقى: المسرح بيتى ودراستى وحلمى تحقق بالعمل مع شريهان

قالت الفنانة داليا شوقي إن المسرح هو بيتها ودراستها وتربيتها، مضيفى: حقيقى ربنا كان مباركلى وأنا بشتغل مع الإيقونة شريهان، وأنا عامة بحس أنى مع عائلتى، وحلمى اتحقق بالعمل مع شريهان، وده كان حلم بعيد واتحقق، وأول ما شوفتها اتفاجئت وقعدت امسح دموع، وهى جاتلى وأنا واقفة متجمدة وحضنتنى واحتوتنى، والحمد لله رب العالمين علاقتنا كويسة جدا.

وأضافت خلال لقائها ببرنامج الستات ما يعرفوش يكدبوا المذاع على قناة سى بى سى: أنا ممتنة دائما وابدأ بهادى الباجورى وهو وش السعد، التمثيل دائما بيغير في جلدى وهو شاف فيا ممثلة كويسة ومشخصاتية فعلا، أنا واختى كل واحد ليها طريقها اللى هي راسماه وبتحاول تحقق أحلامها وانا دارسة مسرح وحضرت ورش كثيرة .

وتابعت: أول مرة اقف على المسرح كنت في كى جى 2، وأنا فاشلة جدا في الكذب مش بعرف أكذب خالص، أنا لسه في أول مشوارى ونفسى اعمل حاجات كتيرة ومختلفة، والسوشيبال ميديا هو وسيلة التواصل مع العالم الخارجي وبيبقى في حاجات كتيرة متسلطة، وما ينفعش نسمع ليها أنا بسمع الصناع من فنانين ومخرجين والناس القريبة منى، وأحمد فهمى فنان كبير وشامل.