كابتن إكرامى: أخويا ترك بصمة فى حرب 73.. ونصر أكتوبر عزيز جدا على المصريين

روى كابتن إكرامى نجم النادي الأهلي الأسبق، كواليس أيام حرب أكتوبر المجيدة والأجواء التي كانت تعيشها أسرته والشعب المصري حينذاك، معربا عن فخره الكبير بالنصر الذى حققته قواتنا المسلحة في 1973.

قال إكرامى: "عشنا أيام عصيبة جدا بعد 67 حتى تحقق النصر في 1973 ونعتز بالنصر لأنه حاجة عظيمة لمصر .. وليا أخ من أبطال حرب أكتوبر وكان ليه بصمة في الحرب علشان كده الفترة الزمنية اللى عشناها في كآبة من 67 الى 73 .. ربنا أكرمنا في 73 وعشنا فيها أيام حلوة جدا وأتذكر ما بين 67 و73 كان فيه مقولة "إربط الحزام" يعني كنا لازم نقتصد في طل شيء .. الاكل والشرب وكنا بندهن الزجاج بتاع الشبابيك والبلكونات باللون الأزرق علشان طائرات العدو".

وواصل: "الأجواء كانت عصيبة ، لكن فرحتنا فى 73 كانت أكتر من حزننا في 67، كان نصر عزيز جدا وكان فيه نوع من الرضا من الشعب المصري..لما كنا بنشوف حد في القوات المسلحة كان الواحد عاوز يروح يحضنه ويبوسه لانهم ضحوا بحياتهم والحمد لله ربنا اكرمنا في 73 على يد الزعيم الراحل أنور السادات.