ذكريات لطفى لبيب وأحمد فؤاد سليم وحسن العدل فى حرب أكتوبر.. فيديو

حل الفنانون لطفى لبيب وأحمد فؤاد سليم، وحسن العدل، وسامى عبد الحليم، ضيوفا على برنامج "صاحبة السعادة" للفنانة إسعاد يونس، وتحدثوا عن ذكريات مشاركتهم بحرب أكتوبر المجيدة.

لطفى لبيب صرح قائلا: "الطيران عدى من فوقنا وقت حرب أكتوبر ورجع ومع رجوعه ابتدت المدفعية تعمل تمهيدات وأصوات ضرب الدانات مستمر لدرجة أن الأرض  كانت بتهتز والفئران تطلع من بطن الأرض تجرى" وتابع: "حرب أكتوبر كلها كتبتها بالتفصيل فى كتاب سيناريو فيلم كامل وطبعته ونزلته الأسواق"

وقال أحمد فؤاد: دخلت الجيش من سنة 68  من أيام الاستنزاف وأول تجنيدى روحت على السويس  ويوم حرب 73 كنت فى غرفة عمليات  اتطورت كعسكرى وبقيت حكمدار طقم غرفة عمليات دفاع جوى وأنا حلمت حلم بإن إحنا بنصلى فى مكان المسلمين والمسيحين بيصلوا مع بعض

وقال حسن العدل:  "قبل الحرب كنا جايبين قصب وجايبين كورة نلعب بيها  وقبلها بنص ساعة قالوا اجمع الناس وكان فى صمت فظيع وسرية تامة عن الحرب وبدأنا نتحرك على القنال وبدأت الوحدات تتجمع وكلنا عاوزين نعدى وكنا بنتسابق مين يعدى الأول