"نشوى" صممت عروسة المولد بملاية لف ومنديل بأوية وأخرى بملابس فرعونية

عشقت الدمية بتصميماتها المختلفة وتسريحاتها، ولذلك فكرت أن تتجه إلى تصميم "عروسة مولد النبى"، ولكن ليس بشكلها التقليدي المعتاد، بل فضلت أن تضيف لها لمساتها الفنية المميزة، فصممت عروسة المولد النبوى بزى الملاية اللف وأخرى بزى فرعونى وغيرها بفساتين سهرة أنيقة.

تصميم أخرى لنشوى

تحدثت نشوي مختار دويدار، وهى أم لثلاثة أطفال، عن اتجاهها لتصميم عروس مولد النبوى، حيث قالت لـ" اليوم السابع":" انفصلت عن زوجى من أكتر من 12 سنة، وحبيت أشتغل في عرايس المولد لزيادة دخلى والحمد لله بقيت أقدر أسوق شغلى وبقالى أكتر من 5 سنين بعمل عرايس".

تصميم نشوى

وتابعت :" الحكاية ابتدت لما كنت بعمل عرايس المولد لبنوتة يتيمة بهدف إنى أفرحها وناس كتير شافوها وقالولى ليه ما تعمليش كذا عروسة وتبيعها،  وفعلا ً بدأت أشتري خامات علي قد عروستين تلاتة وبدأت أعرضها عند واحد بيبع حلويات المولد ولقيتها اتباعت والحمد لله طلب تاني وبدأت اشتغل وأصور واعرض علي صفحاتى على مواقع التواصل الإجتماعى، وناس كتير طلبت منى عرايس والحمد لله حالياً قدرت اشتغل كميات بس قليلة ودى من الصعوبات اللى كانت بتقابلنى".

حصان المولد

 وعن الصعوبات التي تقابل نشوى في عملها، قالت :" المكان عندي صغير  دي أكتر حاجه بتسبب صعوبة ليا في الشغل، وبتخيلنى اشترى كميات قليلة، غير طبعاً الخامات مش متوفرة وبضطر أدور عليها والحمد لله ماشي الحال  لأنى بدأت اشتغل مش بس عروسة المولد بقيت بعمل عروسة التخرج ورمضان والعيد وماكيت عربيات الفول والمسحراتي وكل الديكورات الخاصة بجميع المناسبات".

عرايس المولد

استطاعت نشوى أن تعبر من خلال تصميمها لعروس المولد عن التراث الشعبى المصرى والزى النسائى بختلف العصور، فصممت عروس بملابس فرعونية وأخرى بدوية وأخرى بملاية لف.

عروس أخرى من تصميم نشوى

وعن أمنيتها التي تسعى لتحقيقها، قالت نشوى:"كتير لما بخلص عروسة بكون عايزة أعمل حاجة أفضل من كده عشان كده بحاول أطور من نفسى كل يوم عشان أعمل أحلى حاجة ".

عروس أخرى

عروس المولد

عروس بفستان زفاف

عروس تصميم نشوى

عروس مولد النبى

عروس مولد بزى فرعونى

عروس مولد بفستان زفاف

عروس مولد محجبة

عروس مولد

عروسة المولد