قصة اعتذار فتاة لشيرين عبد الوهاب بعد ادعاء أنها أختها: لم أقصد التشهير

أثارت فتاة تدعى "منيرة" جدلا خلال الساعات الماضية، بعد قيامها بنشر فيديو لها عبر "تيك توك"، تشير خلاله أنها أخت شيرين عبد الوهاب من الأم وأنها تخلت عنها هي ووالدتها.

وبعد تداول رواد مواقع التواصل الاجتماعى الفيديو بشكل كبير، وخروج شقيق شيرين عن صمته وتهديده لها برفع قضية ضدها بسبب كذبها، خرجت منيرة فى فيديو جديد، بعدما حذفت الفيديو الأخير لتوضح فى فيديو جديد كشفت خلاله أن انتحالها شخصية أخت شيرين ما هو إلا بغرض الهزار، كما قدمت الاعتذار إلى شيرين.

وقالت مدعية أخت شيرين عبد الوهاب خلال الفيديو: "إحنا شعب بطبيعتنا بيحب الهزار، لكن أنا ما شهرتش بشيرين عبد الوهاب خالص اللى شهر بشيرين، اللى شهر بيها كل واحد شاف وشارك الفيديو من قبل ما يتأكد من صحته، يا شيرين حقك عليا أنا كنت بهزر والناس اللي خدته بجد عايزين يعملوا قلق، وبعد ما نزلت الفيديو لقيته عامل ضجة كبيرة".

وكان محمد عبد الوهاب شقيق شيرين كتب عبر حسابه على "فيس بوك": "حسبي الله ونعم الوكيل، أهو زي ما إنتو شايفين كده ناس مريضة وناس حقودة، وناس مقرفة وناس غلاوية وبلاوى بتتحدف علينا وناس أقسم بالله ولا لينا علاقة بيهم مستنقع قذارة وخلصنا من لوسى جابتلنا توتى، وناس ولا تعرفنا تطلع تقول علينا كلام كله افترى ما يعلم بيه إلا ربنا".

وتابع: "ودلوقتي واحدة بتقول إنها أختنا من الأم وبكرة واحدة تانية من الأب وشوية ونلاقى اخواتنا في الرضاعة كمان، ما هي هيصة بقى ومش هنخلص، مش عارف أقول حسبى الله ونعم الوكيل على مين بالضبط على الناس دى ولا على اللى حطنا فى الليلة دى غصب عننا، وسيتم تقديم بلاغ رسمى ضد المريضة دى نشوف إيه حكايتها ومين وراها".