سوزان ويصا واصف: تعلمت الحرف اليدوية مع أبناء الحرانية وعشت فكرهم

قالت سوزان ويصا واصف، إن والدها اشترى قطعة الأرض التي بنيت عليها مدرسة رمسيس ويصا واصف في عام 1950 في الحرانية، مشيرة إلى أنها ولدت في نفس العام الذي اشترى فيه قطعة الأرض.

وأضاف خلال لقائه مع الإعلامية منى الشاذلي، ببرنامج "معكم" الذي يذاع على قناة "on": "حياتي كلها كانت مع والدي بفكره، منذ طفولتي، وكنت محظوظة في فترة الستينات، لأني والدي أخد 10 أطفال جدد، وأدخلهم لتعلم النسيج والقطن والخزف، وكانوا من نفس سني، وكنت بلبس جلبية وأنزل اتعلم مع الأولاد دي الحرف اللي بيتعلموها".

وقال: "كنت مع الأطفال دي، اتعلمت معاهم وخضت نفس التجربة، وعشت الفكر بتاعهم، ووالدي كان عنده إيمان قوي إن الطاقة الإبداعية والفن موجود في الناس كلها، وكان يثبت النقطة دي عن طريق حرفة قديمة".

وتابعت: "والدي كان بيدرس تاريخ فن وعمارة، وبالتالي هو عارف كل الحضارات اللي فاتت في بلدنا، والخامات اللي كانت بتستعمل في الحرف دي، وكان معجب جدا بالفترة اللي كانت مزدهرة فيها النوع ده من الحرف".

وقالت: "والدي حب يثبت أن الفن موجود في الناس كلها، عن طريق أبناء قرية معزولة، ووالدي لما اشترى نص فدان في الحرانية، مكنش في كهرباء ولا خدمات في الوقت ده، ولكنه أتاح لهم التعبير عن الطاقة الإبداعية جواهم، واللي هو كان متأكد أنها كانت موجودة جواهم".