الفنانة عبير منير تكشف كواليس تعارفها بالكاتب الراحل أسامة أنور عكاشة: "عشنا مع بعض 4 سنين"

قالت الفنانة عبير منير، إنها سافرت من الإسكندرية واستقرت في القاهرة، منذ 30 عاما، إلا أن قلبها مازال متعلقا بالإسكندرية وبحرها.

وأضافت خلال لقائه مع الإعلامية إسعاد يونس ببرنامج "صاحبة السعادة"، الذي يذاع على قناة "dmc": "خلال فترة دراستي في المدرسة والجامعة، كنت بشارك في المسرح، وبشارك في مسرحيات إنجليزية، وبعدها قعدت في البيت، وإنعام محمد علي كلمتني، علشان أشارك في (مباراة زوجية)، وكانوا أول 5 مشاهد في حياتي، وهي انبسطت مني، وكتبتلي بإيديها 11 مشهد إضافيين".

وقالت: "أنا أرملة أسامة أنور عكاشة، واشتغلت معاه في المصراوية بس، وتعرفت عليه قبل المسلسل، احنا كنا أصدقاء، وفضلنا فترة لحد ما قربنا من بعض، واتجوزنا وعشنا مع بعض 4 سنين".

وتابعت: "مسلسل صدفة، خرجني من القالب اللي كنت دايما بظهر فيه، وفي المسلسل كان دوري موظفة في الشهر العقاري، محجبة، ومرتشية، ومتجوزة واحد أصغر منها بـ 30 سنة، كان كل الدور مختلف عن الأدوار اللي كنت بظهر فيها".