سهير البابلى لها فضل عليّ.. إسعاد يونس توجه رسالة إلى عادل إمام.. فيديو

وجهت الفنانة إسعاد يونس رسالة إلى الزعيم عادل إمام خلال ندوتها بـ مهرجان الجونة السينمائي قائلة: "أنت واحشنا قوى ونحب نشوفك مبسوط فى الوقت اللى بتقضيه دلوقتى".

وتابعت: "هنيئًا للأحفاد اللى أنت قاعد وسطيهم، وقرارك إحنا مش هنأثر عليه.. أنت جوه القلب والعين والذاكرة طول الحياة وبعد الحياة".

وعن سهير البابلي، قالت: "لها فضل عليّ لأنها قبلت تشتغل معايا في مسلسل بكيزة وزغلول اللى كان أول إنتاجي أنا وزوجي"، وأضافت: "العمل كان نجاحه مفاجأة لنا.. وحسيت بنجاحه بعد عرض 3 حلقات فقط لأن وقت عرضه الشوارع كانت فاضية".

وأشارت إلى أن النجاح زمان كان يُقاس من الشارع والناس، ولكن حاليًا النجاح اللحظى على السوشيال ميديا، وقالت: "نجاح السوشيال ميديا نصفه صادق والنصف الآخر كاذب.

وتابعت: "رد الفعل كنت أحب أعرفه من الناس إنما دلوقتي مش كل حاجة حقيقة وصادقة، وبيندفع فلوس علشان تزود مشاهدات عمل بعينه ويتكتب عنه حلو.