والدة الطفل أنس: لما الرئيس السيسي حضن ابني باحتفالية القبائل زغردت

استضاف برنامج "الستات مايعرفوش يكدبوا" المذاع على قناة سى بى سى، الطفل أنس ووالدته والذى صافحه وحضنه الرئيس السيسى أمس فى احتفالية القبائل والعائلات المصرية بالعاصمة الإدارية بنصر أكتوبر.

وقالت الام:"أنس ابنى أجدع واحد يدخل المطبخ، وبينضف البيت، وهو صحبى مش ابنى، واللى محققتوش بحققه فيه، ومتطلعة وحابة يكون أحسن منى، ومن أى حد فى الدنيا، وساعدته وبقدم له الدافع للارتباط بالنادى فى أسوان، ودى طاقة إيجابية بوظفها فيه.

وأضافت الأم:"بوجه أنس وهو بيشاهد الموبايل، وربنا كرمنى وطبطب عليا بطريقته وخلانى شفت الرئيس السيسى وابنى سلم عليه.. وأثناء حديثها بكت الأم فطبطب عليها ابنها أنس وحضنها، مؤكدة :"ربنا بيقولى متزعليش وتعبك مش هيروح هدر، وكملى".

وأكدت:"نظرة الفرح اللى فى عيون أنس وآيتن وآلاء بتنسينى أى حاجة صعبة، وانا عاوزة ولادى أحسن ناس فى الدنيا، وربنا يدى كل واحد على أد طاقته والصابر على البلاء ربنا يأجره".

تابعت:"كنت بزغرد وهو الرئيس بيحضنه، والمشاعر مختلطة ما بين الفرحة والبكاء.. وخلال الحلقة قامت الأم بإعطاء زغرودة فى البرنامج".