قالتلي أهلى مش هايوافقوا على مغنى.. المطرب مصطفى عناب يروى فشل ارتباطه بحبيبته

روى المطرب الشعبي مصطفى عناب، قصة فشله فى الارتباط بحبيبته، قائلا:"كنت بحب وحدة زميلتى فى المدرسة، وكنت وقتها بدرس فى سياحة وفنادق لما قلتلها بحبك، فقالتلى :"أهلى مش هينفعوا يوافقوا على واحد بيغنى"، لكن أنا اخترت شغلى والغناء، رغم أنى لم أكن أملك فلوس ولا حد يعرفنى".

وأضاف مصطفى عناب، خلال حلوله ضيفا ببرنامج "الستات مايعرفوش يكدبوا" المذاع على قناة سى بى سى، وقتها مكنتش معروف ومش عارف هنجح ولا لأ، والمفاجأة إن لما ربنا كرمى واتعرفت، لقيت بنت بعتالى بوست من على جروب على الفيس بوك بتاع بنات فقط، والبوست مكتوب فيه بنت بتحكى انها كانت بتحب ولد وكان بيحبها ومكنتش مؤمنة بشغله ودلوقتى هو نجح وأنا بسمعه وعاوزة رأيكم فى حاجة أدخل أكلمه ولا لا؟".

تابع مصطفى عناب، انا أخدت طريقى ومش عاوز أشمت فيها ومبقاش فى حاجة فى قلبى ليها، وبقول مع نفسى هى لو كانت آمنت بيا زمان كانت هتبقى دى مراتى، لأنى أنا اللى مربيها وشايفها قدامى".