دينا لـ"ع المسرح": أبويا قاطعنى سنتين عشان الرقص والرقاصة مش حاجة وحشة

أكدت الفنانة دينا، أن والدها كان متطور وعاش فترة في إيطاليا وكان موافق على رقصها في فرقة رضا ولكن حينما وصل سنها لـ15 سنة رفض الرقص وقاطعها لمدة سنتين في أولى وثانية جامعة، مضيفة: "كنت أخذت قراري وماما كانت واثقة فيا وبابا كان خايف عليا وكان مرعوب عليا".

وأوضحت دينا، خلال حوار ببرنامج "ع المسرح"، مع الإعلامية منى عبد الوهاب، على قناة الحياة، أنها من أسرة متعلمة وكانت تدرس في مراحل التعليم وصعب وقتها كان يخرج أحد أبناء الأسرة يقرر يشتغل ولا يستكمل دراسته، قائلة: "أنا كنت عايزة أحط الرقص الشرقى في حته حلوة ومكانة محترمة يحترمها كل الناس".

واستكملت: "من أولوياتي وانا بشتغل أني كنت اكمل الجامعة وقلت هعمل دراسات عليا عشان أثبت للمجتمع أن الرقاصة مش حاجة وحشة ولحد النهاردة بثبت وأراعي تصرفاتي جدا اكثر من اي حد طبيعي عشان الناس تعرف طبيعة حياتي".