المخرج محمد سلامة: بحب الشغل مع الأطفال وكانوا عاملين جو رهيب في اللوكيشن

قال المخرج محمد سلامة كان معايا 4 أطفال صغيرين كانوا عاملين جو رهيب في اللوكيشن وكلهم محترفين ، قبل التصوير كانوا بيعملوا مهرجان لكن اول ما نقول تصوير كانوا بيسكتوا.

وأضاف خلال مداخلة هاتفية ببرنامج الحياة اليوم : انا بحب الأطفال جدا وبحب اشتغل معاهم وأديهم أهمية في العمل وريمون هذا العام كان مثل كبير على هذا وكان معايا بيرلا في مسلسل اسمه الحرامى وفكرة العمل مع الأطفال ومنذر كان معايا في الحرامى واكتر من عمل تانى ، فكرة تواجد الأطفال في العمل انا بحبها قوى وحريص على تواجدهم في أعمالى.

وتابع: الأطفال حاليا عقلهم أكبر وبيستوعبوا اكثر وشاطرين جدا جدا، الدنيا بتتغير والسوشيال ميديا بتزود استيعاب الأطفال وانا ببذل مجهود اقل مع الأطفال لأنهم عندهم وع عالى ، ومعظم الافيهات اللى كان بيطلعها ريمون في المشهد معظمها من ابداعاته ، منذر اول مرة قابلته مع الحرامى قاللى انت بتشتغل مع محمد رمضان قولتله لأ قاللى لو اشتغلت مع محمد رمضان خدنى معاك .