فزورة أنا مين.. هو من جدعان شمس الزناتي وياما نفخنا معاه البلالين

يقدم "اليوم السابع" على مدار شهر رمضان فزورة بعنوان "أنا مين"، عن نجم من نجوم زمان عبارة عن معلومات من حياته ومسيرته، وذلك من خلال تليفزيون "اليوم السابع" وسنتلقى إجابتكم على حل الفزورة، التي تذاع طوال شهر رمضان الجارى.

بطل فزورتنا كوميديان من الدرجة الأولى وكان أكتر واحد بيضحكنا في رمضان، رجل صعيدى في الأصل ولكنه اتولد في حى شبرا، بيحب التمثيل والتقليد لدرجة أنه كان بيقلد قرايبه في البيت وهو عنده 10 سنين، وكانوا مسمينه كوميديان العيلة، وفى المدرسة بتاعته كان هو رئيس فريق التمثيل.

لما كبر بدأ مشواره الفني "مونولجيست" بيقلد النجوم في برامج الأطفال لغاية ما لفت نظر المخرجين وبدأوا ياخدوه في أدور كتير في السنيما والتلفزيون والمسرح و بقى واحد من جدعان شمس الزناتى.

وفي رمضان فضل معانا 17 سنة مقلب في مقلب واحنا نموت من الضحك...برنامجه كان من أقوى برامج رمضان اللى كنا بنستناها دايما لأنه كان عامل كاركتر حكاية  لدرجة انه لغاية دلوقتى معلم معانا وبنفضل نقول إيفيهاته ونعمل حركاته.

ومن كتر شهرة الكاركتر ده اتعمل منه فيلم، وفى  2020 رحل عنا لكن أدوراه الحلوة لسه بنفتكرها لغاية دلوقتى، و قبل ما يمشى ساب لنا رسالة أثرت فينا وقال فيها  "العمر عدى ولا لمحته، ابقوا افتكروني لو سمحتوا، أه يا أندال أديكوا دفنتوا وروحتوا"

وتوتة توتة خلصت الفزورة