محمد ممدوح:روحت لدكتورة بعد انتقادات متابعين على السوشيال علشان طريقة كلامى

أكد النجم محمد ممدوح في تصريحات خاصة لـ اليوم السابع أنه طور من نفسه بسبب تعليقات الجمهور، حيث صرح قائلا: "انا بتقبل النقد في حالة أن الشخص بيقوله بشكل محترم، ولو مش محترم معنديش طاقة أرد على حد قاصد يقل أدبه، عايز يهزر معايا أهلا وسهلا، بس عايز يهزر أو يتنمر عليا ملهاش لازمة، مببصش على الحاجات دى، أنا الحمدلله اللى ربنا كاتبوهلى حلو فبكمل، بركز في اختياراتى أكثر".

وتابع ممدوح قائلا:" ولو عندى عيب متكبرش، اغيره، يعنى كان عندى مشكلة مثلا انى باكل الكلام، ساعات بحس بحاجة فاحساسى بيسوقنى أكثر، وروحت للدكتورة جيهان ناصر اللى ساعدتنى كتير أوى، وده الممثل دايما بيتمرن وبيطور ويغير نفسه، بيحاول يروح حتة أحسن".

فيلم X مراتى تدور أحداثه فى إطار كوميدى حول طبيب نفسى متزوج من سيدة، ويكتشف بعد فترة طلاقها من مجرم خطير، ويقوم ببطولة العمل هشام ماجد، أمينة خليل، محمد ممدوح، خالد كمال، على صبحى، وغيرهم من الفنانين، والعمل من إخراج معتز التونى، وتأليف أحمد عبد الوهاب وكريم سامى.

كما انضم النجم  محمد ممدوح إلى طاقم عمل فيلم الدراما الرومانسية الجديد هيبتا: المناظرة الأخيرة، وذلك بعدما بدأ المخرج هادى الباجورى تصوير أول مشاهد الجزء الثانى من فيلم هيبتا والذي يحمل اسم "هيبتا – المناظرة الأخيرة".

محمد ممدوح ولميس محمد