يسرا: تأثير يوسف شاهين على الممثلين كان طاغيا ولا يمكن نسيانه

تحدثت النجمة يسرا خلال ندوة  المخرج الراحل يوسف شاهين بمهرجان الجونة السينمائي، عن عمق تأثيره على الممثلين الذين عملوا معه، قائلة:"أى فنان يشتغل مع يوسف شاهين بيتأثر بيه جدًا، تأثيره بيكون طاغٍ لدرجة إن بعض الممثلين ممكن يظهروا بطريقة مختلفة عن طبيعتهم، وده لأنه كان عنده قدرة غير عادية على إخراج طاقات الناس اللي حواليه".

يسرا من مهرجان الجونة

وأضافت يسرا: "يوسف شاهين كان بيحب الممثلين جدًا، وكان يقف ورا الكاميرا بنفسه علشان يلقط مني التعبير اللي عايزه، من غير ما يطلبه بشكل مباشر. كان يعرف إزاي يوصلك للحالة اللي في دماغه من غير ما يقلّبك نسخة منه، وده الفرق بين التأثر بيه والتقليد."

واستعادت يسرا أحد المواقف المؤثرة التي جمعتها به أثناء تصوير أحد الأعمال، وقالت:"في مرة كنت مش فاهمة المشهد وقلت له: أنا مش عارفة أعمل إيه؟ رد عليّ وقال: أنا مش عايزك إنتي اللي تنوريني، أنا عايز نور رباني. وبعد ما صورنا المشهد لقيته قاعد لوحده ودمعة في عينه، وقال لي: ده مش دلع، أنا اتأثرت بجد."

وأكملت يسرا حديثها: "كان بيخليني أشارك في كل تفاصيل الشغل، حتى في الأمور الفنية الصغيرة، وكنت حاسة دايمًا إن الفيلم اللي بشتغل فيه معاه مكتوب لي أنا، ومصنوع بروحنا سوا، فيوسف شاهين كان بيملك نورًا خاصًا، طاقة بتعدي لكل اللي حواليه، وكان فعلاً بيصنع حالة فنية مش ممكن تتكرر".

وحضر الجلسة النقاشية من النجوم حسين فهمي، يسرا اللوزي، محمود حميدة، لبلبة، المخرج خالد يوسف، المخرج عمر عبد العزيز، الفنانة التونسية رشا بن معاوية، المنتج محمد حفظي، روجينا، خالد عبد الجليل رئيس الرقابة على المصنفات الفنية السابق، عدد اخر من الفنانين وصناع السينما وضيوف مهرجان الجونة السينمائي بدورته الثامنة.