عمرو زكى: اتحاد الكرة مش بيحمى حسام حسن.. وأمى مقهورة بسببى

أكد عمرو زكي نجم الكرة المصرية السابق، أن منتخب مصر سيقدم أداء قويا أمام زيمبابوي في بطولة أمم أفريقيا.

لمتابعة أخبار بطولة كأس أمم أفريقيا 2025 عبر بوابة كأس أمم أفريقيا اضغط هنا

وقال عمرو زكي، في تصريحات مع سهام صالح لبرنامج الكلاسيكو على قناة اون: اللي بيحصل مع حسام حسن ده ظلم، واتحاد الكرة مش بيحمي حسام حسن.

وأضاف عمرو زكي: دور الإعلام يدعم المنتخب.. إحنا بندعم الأندية أكتر من المنتخب، وحسام حسن رمز كبير جدا.. أنا اشتغلت مع حسام حسن مع الزمالك، وهو راجل مش عاوز يخسر.

وتابع: حسن شحاتة كان بيتحارب، بس وقت البطولة كنا بندعمه، طيب ما إحنا في بطولة لازم ندعمه.

واستطرد: النهارده مفيش أهلي وزمالك حق الناس تشوف المنتخب وتفرح.

وأردف: حسام حسن مش أي حاجة تعلق عليها مسؤولية، هو قال محترفين وربع ممكن يكون خانه التعبير مش أكتر، ومش هيعمل إلا الصح، وحسام حسن مثلي الأعلى كرويا.

وواصل: إزاي أشتغل على مرموش، وإزاي أشتغل على صلاح، وإزاي أشتغل على مصطفى محمد، لو جاهز مفيش كلام، ولو إمام عاشور جاهز طبعا هو اللي يقود نص الملعب ويكون صانع الألعاب.

وكشف عمرو زكي عن أسباب ابتعاده عن الساحة الرياضية خلال الفترة الأخيرة، قائلا: "الحياة كانت وخداني فحصلت حاجات في حياتي مش أحسن حاجة".

وأضاف: "الحادثة أثرت عليا نفسيا ماديا.. ووفاة والدي أثرت معايا جدا، ولذلك كنت بعيدا عن المشهد خلال السنوات الأخيرة".

وتابع: أمي مبسوطة دلوقتي بسبب ظهوري.. أنا دلوقتي بفرح أمي ولولا دعوتها دلوقتي مكنتش طلعت تليفزيونيا، حاسة بيا وحاسة إني مظلوم، وصعبان عليها قعدتي وإني مش شغال".

واختتم عمرو زكي تصريحاته قائلا: "وأخويا الكبير صابر هو أبويا التاني وسندي، ودايما بيوجهني، وفيه ناس كانت عاوزة تستفاد مني ماديا، ومش بحب أتعامل مع الناس دي".