لو عايز توفر فلوسك.. اعرف نظام الطاقة الشمسية المناسب لبيتك ووفر في الكهرباء

يبحث العديد من المواطنين عن النظام الأمثل لتوفير الأموال التي يتم دفعها مقابل استهلاك الكهرباء ، من خلال الاعتماد على الطاقة الشمسية ، اليوم السابع يرصد لقراءه بعض المعلومات التى توضح أنظمة الطاقة الشمسية لمساعدة المشتركين فى اختيار الأنسب لمنزله وهى كالاتى :

- اولا  On-Grid – وهى مرتبطة بشبكة الكهرباء، وأهم مميزتها:

1-  بتغذي بيتك مباشرة بالكهرباء.

2-وأي فائض فيها بيرجع للشبكة من خلال عداد ثنائي الاتجاه.

3- أوفر في التكلفة لأنك مش محتاج بطاريات.

4- مناسبة أكتر للمدن أو المناطق اللي الكهرباء فيها مستقرة.

وينصح وقت التأسيس بالمنزل التأكد أن عدادك بيدعم صافي القياس (Net Metering) لحساب استهلاكك وبيع الفائض بسهولة، والشركة بتغير عدادك للعداد لما تبدء في اجراءات التركيب.

- ثانيا : Off-Grid – وتحتاج معاها بطاريات، وأهم مميزاتها:

1- بتعتمد كليًا على الألواح الشمسية + البطاريات.

2- بتقدر تخزن الطاقة ليل ونهار من غير ما تحتاج ترجع للشبكة.

3- ودي مناسبة أكتر للأماكن البعيدة اللي مافيهاش كهرباء.

4- تكلفتها كمان نسبيًا أعلى، وصيانتها بتكون أدق بسبب البطاريات.

وينصح وقت التأسيس تركيب Off-Grid لأماكن بعيدة عن العمار مبتوصلهش شبكات التوزيع، وحاول تستثمر في بطاريات ليثيوم بدل الرصاص، لأنه عمرها أطول وكفاءتها أعلى.

‏- ثالثا: Hybrid – أو النظام الهجين، وأهم مميزاته:

1-إنه بيجمع بين الاثنين: شبكة + بطاريات.

2- كمان بيوفر كهرباء طول اليوم، ولو حصل انقطاع الشبكة البطاريات تشتغل فورًا.

3- غير إنه مرن جدًا ومناسب للبيوت والمناطق اللي ممكن يحصل فيها انقطاعات متكررة.

و ينصح وقت التأسيس اختيار إنفرتر (Inverter) ذكي بيدعم التحويل التلقائي بين الشبكة والبطارية من غير ما تحس بأي فرق.