إبراهيم حسن لـ تليفزيون اليوم السابع: نحمد الله على مجموعة مصر فى مونديال 2026

قال الكابتن إبراهيم حسن، مدير منتخب مصر الأول، تعليقاً على مجموعة منتخب مصر في كأس العالم 2026: مافيش حاجة سهلة، احنا بنلعب فى كأس العالم، لكن لو اشتغلنا صح وبحكمة وبفكر صح، وبتنظيم صح وكل خطوة بخطوة هنحقق نتائج كويسة. 

وأضاف إبراهيم حسن، فى لقاء لـ تليفزيون اليوم السابع، من أمريكا، أن منتخب بلجيكا صحيح احنا فزنا عليه قبل كده، لكن عندهم مجموعة من النجوم بيلعبوا في أكبر الأندية الأوروبية، وعندهم حارس مرمى من أفضل حراس المرمي في العالم.

وقال مدير المنتخب: نحمد الله على مجموعة مصر في مونديال 2026، واحنا مش هنقلل من قيمة أي فريق في مجموعتنا، مضيفاً أنه فخور بتمثيل مصر في قرعة كأس العالم لأنه شرف كبير ومسئولية عظيمة، منوهاً بأنه مفيش حاجة مضمونة والجهاز الفني هيشتغل وهيشتعل صح وعايز الناس تبقى في ضهره، وإن شاء الله هنحقق حاجة لمصر متحققتش قبل كدة.