هدية رمضانية بلمسة رومانسية.. "ريهام" بتصمم فوانيس خشب للكابلز

منذ نعومة أظافرها وهى تشاهد والدها وهو يبدع في تصميم قطع الأثاث المختلفة ويضفى عليها لمساته الفنية، فأحبت منه عمله وطريقة تحويله قطع الخشب إلى تحفة فنية، لذلك حرصت ريهام مجدى على دراسة الفن أكاديمياً واكتسبت خبراتها العملية من والدها، وصممت فوانيس رمضان من الخشب، وحولتها لقطع ديكور منزلية مميزة.

تحدثت ريهام مجدى الحاصلة على ماجستير تربية فنية، عن تصميمها لفانوس رمضان من الخشب، حيث قالت لـ "اليوم السابع":"أنا بحب الفن من صغرى و شغل الخشب جداً وأتأثرت بوالدى لأنه كان صاحب معرض موبيليا و أتأثرت بدمياط جداً لأن جزء من عائلتى عايش هناك، وحبيت بسببهم الخشب والموبليات".

وتابعت: "الفوانيس فيها روحانيات ومرتبطة برمضان و أصبح كل بيت بيستخدمها كوحدات إضاءة، عشان كده بصممها من الخشب و الزجاج أو الأكريليك وبستخدم فى التلوين تقنيات مختلفة و ساعات بستخدم ورق الذهب حسب طلب العمل، وأى فانوس بيكون له طابع و روح خاص حسب ميول العميل و فى النهاية بيكون اسم العميل أو الاسم اللى عايزه مدون على الفانوس".

تحلم ريهام بأن مشروع يكبر أكثر ويتنشر في جميع أنحاء الجمهورية، كما تحدثت عن نوعية زبائنها فقالت :"زبائنى من المخطوبين و المتزوجين والفانوس بيكون جواه هدية زى مكسرات أو ياميش وأكتر وقت طبعاً بيطلب منى الفانوس في الفلانتين قرب رمضان، وفى رمضان، وفيه آباء بيطلبوا منى فوانيس لأطفالهم، وفيه ناس بتحب تشترى فوانيس كديكور في بيوتهم".

فانوس من تصميم ريهام

فانوس

فانوس آخر

فانوس باسم رقية

فانوس رمضان

فانوس عليه اسم

فانوس من تصميم ريهام.