تنظيم الاتصالات: حولنا شركات عقارية مخالفة للنيابة لاستخدام هواتف غير مسجلة

قال المهندس محمد إبراهيم رئيس قطاع أول التفاعل المجتمعي بجهاز تنظيم الاتصالات عن الأرقام الترويجية: في 21 يوليو وضعنا إطار تنظيمي، يروح في شركة المحمول ويسجل الخط كخط تسويقي، ويظهر على التليفون اسم الشركة أو الجهة وللعميل حق الرد من عدمه.. وضعنا فترة شهرين توفيق أوضاع أكتر من 35 ألف رقم اتسجلوا بطريقة شرعية".

وأضاف خلال مداخلة هاتفية فى برنامج "الحكاية" الذي يقدمه الإعلامي عمرو أديب: "جاتلنا شكاوى كتير أن ناس كتير فاكرينها تسويق وغيره.. وفي المرحلة التانية، حولنا شركات مخالفة للنيابة العامة، والتزمت، وبعد شوية الموضوع أكتر من 90% اتحل.. وبنبص للأرقام ونحللها ونبعت لها تحذير، إننا نحول الرقم لاستقبال فقط وحولنا آلاف الأرقام لاستقبال فقط والمشكلة اتحلت بنسبة كبيرة، واكتشفنا الناس دي بتعمل أرقام تاني وترمي القديمة، وبنتتبعها ونتتبع العدة اللي بيتكلم منها.
وتابع: "بعتنا لهم تحذير  لو مسجلتش خلال 3 أيام التليفون نفسه هيتقفل، وتتحول الشركة للإجراءات القانونية إلى أن نقضي على الظاهرة تماما.. وأرقام الإبلاغ 155 من جميع التليفونات تتصل بيه رقم مجاني، وتبعت الرقم اللي بيعمل إزعاج، وأرقام واتساب وتطبيق الجهاز وصفحة الجهاز على السوشيال والمواطنين متفاعلين جدا".