هشام طلعت مصطفى: " الاستثمار فى غزة لازم يكون برضا أهلها "

أكد رجل الأعمال هشام طلعت مصطفى، الرئيس التنفيذي والعضو المنتدب لمجموعة طلعت مصطفى القابضة، أن الاستثمار فى منطقة مثل قطاع غزة صعب للغاية فى ظل الظروف الحالية للقطاع متابعا: "مفيش حد عاقل في العالم يقبل يروح هذا المكان، المكان مضطرب".

وأضاف خلال حوار فى برنامج "الحكاية" الذى يقدمه الإعلامي عمرو أديب: "دا تصرف محمود إنهم عاوزين يعملوا استثمارات، طيب يعملوا استثمارات برضا أهلها، يا ريت تستثمر غزة وتبقى أحسن حتة في العالم، والناس الغلابة اللي بقالها 80 سنة محرومة من كل حاجة تلاقي مصدر كريم للعيش، بس يسألوهم، انتوا قابلين بهذا الحل؟ لو قبلوه أهلا وسهلا، لو لم يقبلوه يبقى دا في القانون اسمه ايه؟.

وتابع هشام طلعت مصطفى: "هل هناك جدوى علمية؟ لا لأنها منطقة نزاع، ناس أصحاب أراضي بتدافع عنها، انت رايح تعمل ايه؟".