4 حاجات لو عملتها وانت بتنصح رجل هينفر منك.. مصطفى حسنى يوضحها "فيديو"

قال الداعية الإسلامى مصطفى حسنى، خلال برنامجه "نفوس" المذاع على شاشة قناة on، إنه فى الآية الكريمة "قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي ۖ وَسُبْحَانَ اللَّهِ وَمَا أَنَا مِنَ الْمُشْرِكِينَ"، ممكن اقولك إزاى تنفر رجل منك.

وأوضح مصطفى حسنى، :" لو عاوز تنصح راجل قدامك وهو سامحلك انك تنصحه وتدعوه، ففى حاجات لو عملتها وانتب تنصح رجل هيجرى منك ومش هيسمع كلامك، وممكن يكون كلامك حق، لكن خرج منك بطريقة باطلة، فيبنى بينك وبينه سدود، علشان كلامك اتقال بطريقة متلقش مع استقبال الشخص اللى قدامك.

ولفت مصطفى حسنى إلى أن هذه الأشياء لو عملتها مع راجل ينفر منك أولها انك تنصحه بطريقة مافيهاش تقدير ولا احترام، وثانيها إن كلامك معاه بيكون طويل، وتلف ودور ومتركزش معاه على حلول، وثالثها إنك تفضل تنتقد فيه وتلومه، والرابعة لما ييجى يتكلم معاك ويشرح متسمعلهوش، متدلوش فرصة يتكلم".