ليلى عز العرب: إعلان شاى كده بداية الإيموجى وخفة الدم جزء رئيسى من أى إعلان.. عام 2004 شهد آخر مواسم كلام من دهب ومحمود المصرى من علاماته المميزة.. ورمضان بالنسبة للأطفال بكار والمغامرون الخمسة وقصص الأنبياء

قالت الفنانة ليلى عز العرب: "إن التكافل كان موجودا في رمضان 2004 زى كل رمضان، والتليفزيون كمان كان في مرحلة انتقالية ما بين الكلاسيكيات التي بنت القاعدة، ومحاولات إبداعية جديدة حاولت تمزج بين الدراما والكوميديا الخفيفة بطريقة سلسة، مما جعل الناس مش بتحس إن الشهر مش بس استمتاع بالصيام، ولكنه أيضا فرصة للتجديد والترفيه".

وأكدت خلال تقديمها لبرنامج نوستالسجا أنه من المعروف أنه علشان تكسب الناس وتعمل إقبال على المنتج بتاعك لازم تقدملهم عروض تشجعهم، وعندما يظهر التنافس تظهر حرفية صانع الإعلان الذى يبحث عن فكرة جديدة وإعلان يشد زى ما حصل في إعلانات فودافون اللى كانت مليانة عروض.

وتابعت: "ظهرت أستاذة شيك كده في إعلان فودافون وأنا اتفاجئت بيها (وهى ليلى عز العرب)، وإعلان شاى كده هو اسمه كده، وكان إعلان لطيف وانتشر وهو كان بداية الإيموجى علشان تعرفوا إن كل حاجة أصلها مصرى".

وتابعت الفنانة ليلى عز العرب أن خفة الدم جزء رئيسى من أي إعلان قامت شركة بهجت بإتاحة كل منتجات جولدى بالتقسيط، وأعلنت عن هذا في رمضان 2004 من خلال إعلان دمه خفيف قام به 3 ممثلين قاموا فيه بتقليد ثلاثى أضواء المسرح سمير وجورج والضيف. وأكدت أن الثلاثى غنى الأغنية الدعائية بتاع الإعلان على نفس لحن أغنية كيوبيد للبيع.

وتابعت أن كل عمل درامى له بداية ووسط ونهاية، وفى أعمال رغم أنك عارف نهايتها إلا أنها لو اتعرضت تانى هتلاقى نفسك بتتابعها بنفس الشغف، ومن الأعمال دى مسلسل عباس الأبيض في اليوم الأسود، بطولة يحيى الفخرانى، حدوتة عباس الدميرى الذى يعود من العراق بعد سنين طويلة من عمره ويلاقى نفسه عباس الدميرى.
قالت الفنانة ليلى عز العرب، إن "قصص النجاح والصعود دائما لها مشاهدها الذى ينتظرها الجمهور علشان يتفرج عليها ويتعرف من خلالها على طرق النجاح وسككه".

وأكدت خلال تقديمها لبرنامج نوستالجيا أن "محمود عبد العزيز كان واحشنا، لأنه كان بقاله فترة غايب عن الدراما، وكان مسلسل محمود المصرى علامة مميزة من علامات دراما رمضان 2004".

وتابعت: "كان من المسلسلات الأكثر مشاهدة خلال الشهر الكريم وقتها"، لافتة إلى أن الثقة في الشباب ليتصدروا مشاهد بطولة في رمضان 2004 لم تكن شيئا غريبا، وهذا ما أكده عرض مسلسل عفاريت السيالة إخراج إسماعيل عبد الحافظ بطولة أحمد الفيشاوى في أول بطولة مطلقة له".

وقالت الفنانة ليلى عز العرب: "إن موسم دراما 2004 كانت هناك مجموعة من النجوم الشباب بدأوا ياخدوا مكانهم على الساحة الفنية، وفى نفس الوقت ظهرت برامج حوارية جديدة ومختلفة بعيدة عن النمط التقليدي بتاع برامج الحوار المعتمدة على سؤال وجواب".

وأكدت خلال تقديمها لبرنامج نوستالجيا أنه في 2004 ظهرت برامج بتحس فيها بالألفة بين المذيع وضيوفه أسئلة سلسة تدخل فى مناطق محدش وصلها قبل كده تحسها قعدة أصحاب أكثر منها برنامج حوارى، مثل برنامج فرصة سعيدة على قناة دريم، كما استمر نجاح برنامج كلام من دهب وهو علامة من علامات الشارع المصرى، والذى ينتظره الجميع للحصول على معلومة جديدة أو يرى فرحة الناس وهما بيكسبوا.

وتابعت: "2004 شهد آخر مواسم هذا البرنامج العظيم (كلام من دهب) الذى بدأت إذاعته في التسعينيات"، لافتة إلى أن بساطة وسلاسة طارق علام كانت من أهم أسباب نجاح هذا البرنامج.

وقالت الفنانة ليلى عز العرب: "إن رمضان 2004 بالنسبة للأطفال يعنى بكار والمغامرون الخمسة وقصص الأنبياء، وكل برنامج حجز مكانه بشكل ثابت في كل رمضان وعلم أولادنا وقدملهم وجبة تثقيفية محترمة".

وأكدت خلال تقديمها لبرنامج نوستالجيا: "إن رمضان 2004 كان مليان حكايات وبرامج ومسلسلات لسه محفورة فى ذاكرتنا، كان زى الضيف اللى جايبلنا كذا هدية كلها قيمة، وشوفنا فيه يحيى الفخرانى ونور الشريف ومحمود عبد العزيز وعبلة كامل، وشوفنا ظهور نجوم جداد بقوا النهاردة نجوم شباك كبار، وشوفنا فيه ضحك ودراما ومفاجآت لسه بنفتكرها حتى النهاردة".

وتابعت: "الجميل في الحنين ليس فقط أنه يذكرنا بالماضى ولكنه يعطينى إحساسا دافئا يخلينا نقدر الحاضر ونستناه، رحلة نوستاليجا قربت تخلص لكن الذكريات دايما موجودة وبنفتكر رمضان بحكاياته الجميلة".