بنتلكك عشان نفرح.. 8 مسرحيات شفناها مليون مرة وبتتعرض فى كل عيد "نوستالجيا"

قالت الفنانة ليلي عز العرب، مقدمة برنامج "نوستالجيا" على قناة الحياة، أحلامنا كانت بسيطة وأقل حاجة كانت بتخلينا طايرين من الفرحة، بنتلكك عشان نفرح، واللى يؤكد ده 8 مسرحيات كانوا بيتعرضوا فى كل عيد وهم مسرحية "العيال كبرت، ريا وسكينة، وجهة نظر، عش المجانين، المتزوجون، عشان خاطر عيونك، شاهد مشفش حاجة، سك على بناتك".

أوضحت ليلى عز العرب، أن معظم الأعمال دى عايشة لحد النهاردة، كأنها بتقولنا أنا ضد الزمن، وكل واحد عارف نهاية كل مسرحية والحوار، والكل ضحك مليون مرة على مشاهد معينة وبيضحك تانى عليها".

ولفتت إلى أن العيد هو احنا واللمة اللى بنخاف عليها من الزمن، وهو الضحكة اللى بتطلع من القلب لما بنبص حوالينا ونلاقى اللى بنحبهم لسه موجودين، موضحة أن الموسم دا من "نوستالجيا" خلانا نفتكر أيام راحت، وفكرنا إن الذكريات دى لسه عايشة جوه كل واحد فينا، ويارب يفضل العيد دايما نور فى عنينا ولمة فى بيوتنا ودفا فى قلوبنا، ولو الدنيا اتغيرت خلينا نحافظ على الحتة الحلوة دى جوه روحنا، علشان نعديها للى جاى بعدينا، وكل عيد وانتم بالخير نفسه يا أحلى ناس فى الدنيا".

انطلق برنامج نوستالجيا على قناة الحياة، وهو البرنامج الذي أعادت به قناة الحياة نوستالجيا زمن الفن الجميل، والذكريات الممتعة مع أجمل لحظات مرت على حياة المصريين، خلال شهر رمضان من خلال برامج ومسلسلات وفوازير وإعلانات شهر رمضان الكريم التي ارتبطت مع الجمهور على مدار سنوات طويلة.

البرنامج من إنتاج المتحدة للإنتاج الفني وإخراج مصطفي عبد الفتاح وإشراف إسلام عبد الحكيم ومدير البرامج محمد عدلي وكتابة الحلقات تامر عبده أمين وإعداد زياد شاهين ومادة ارشيفية غادة الشعراوي ومراجعة تاريخية أسامة بديع ومدير فريق البحث شريف أسامة.

موسم رمضان هو فترة ذهبية في العالم العربي للإنتاجات التلفزيونية والدرامية، حيث تشهد الشاشات إقبالاً كبيراً من الجمهور على متابعة المسلسلات والبرامج التي تُعرض خلال هذا الشهر الكريم. وعلى مدار السنوات، قدمت الدراما العربية والبرامج التلفزيونية أعمالاً لا تُنسى، تركت بصمة في ذاكرة المشاهدين، وهو ما تستعرضه ليلي عز العرب من خلال برنامج نوستالجيا على قناة الحياة ، حيث تتناول أيضا تعاون عادل إمام مع العندليب الأسمر وأيضا الدكتور مصطفى محمود وبرامجه.

شهر رمضان ليس فقط شهرًا للدراما والمسلسلات، بل هو أيضًا موسمٌ للبرامج التلفزيونية التي تحظى بمتابعة واسعة من الجمهور العربي. ومن بين هذه البرامج، هناك بعض الأسماء التي ارتبطت بشكل كبير بشهر رمضان، مثل البرامج التي قدمها شخصيات شهيرة مثل بقلظ وعمو فؤاد وغيرهما، وشهدت مواسم رمضان على مدار السنوات فوازير نيللي وشريهان واعلانات عاشت في قلوبنا لسنوات طويلة.

برنامج "نوستالجيا" من تقديم الفنانة ليلى عز العرب، على شاشة الحياة، وهو برنامج يتناول فوازير رمضان، وعمو فؤاد راجع يا ولاد، وبكار وغيرها.