صابرين لـ"حبر سرى": أصعب قرار فى حياتى ارتداء وخلع الحجاب.. وضيعت فرص كتير

كشفت النجمة صابرين، عن أصعب قرار اتخذته فى حياتها وهو ارتداء وخلع الحجاب، قائلة: "أصعب قرار إنى اتحجبت والأصعب أنى خلعت الحجاب ومكنش المفروض اعمل كده من البداية غير فى التوقيت الصح وقبل خلع الحجاب بأيام كنت حاسه إنى بعمل حاجات مش مصدقاها".

وأكدت صابرين، خلال حوارها ببرنامج "حبر سري"، مع الإعلامية اسما ابراهيم، المذاع على قناة القاهرة والناس، أنها لا تصر على شيء إلا وهى مؤمنة به، مضيفة: "لازم أكون مؤمنة بالحاجة حتى لو هتحدى العالم والمهم أنى مؤمنة باللى اعمله عشان هتحمل لوحدى النتيجة".

وتابعت: "لما أخذت القرار الحجاب حسيت أنى مش راضية على نفسى وكنت ماسكه العصايا من النص والنفس اللوامة تعاتب طول الوقت غلط وصح وفى النهاية لا يكلف الله نفسا إلا وسعها ومقدرتش اكمل وحسيت يا كده يا كده ولما يجى وقتها ربنا كريم وديننا دين معاملة وفاتنى فرص كتير بسبب الحجاب لكن كنت مبسوطة".

وردت على موقفها من امكانية ارتداء الحجاب مرة أخرى قائلة: "التفكير فى الحجاب تانى احنا هنحط الحجاب لما نموت ومن غير ما افكر فيه هيتلبس".