صابرين لـ"حبر سرى": ماقلتش فيلم "لف ودوران" سبوبة.. وأحمد حلمى تبرأ من العمل

أكدت الفنانة صابرين، أنها لم تصرح قبل ذلك بأن مشاركتها في فيلم "لف ودوران" سبوبة، موضحة: "الفيلم  كان بعد مسلسل أفراح القبة ولما عرض عليا كنت هعمل دور كوميدي وفيه تمثيل ولما حصل أنه اتصور في مدة قليلة واتشال أكتر المشاهد واتعمل بسرعة عشان كان هينزل في العيد وزعلت ساعتها".

وأضافت صابرين، خلال حوارها ببرنامج "حبر سري"، مع الإعلامية اسما إبراهيم، المذاع على قناتي سي بي سي والقاهرة والناس، أنها لم تقل إن الفيلم سبوبة، ولكن قالت "فسحة"، مضيفة: "اعتبرت أن الفيلم فسحة إذا كان أحمد حلمي نفسه طلع تبرأ من الفيلم وقال أوعدكم مش هعمل فيلم زي كدة تاني ورغم كده الناس حبوه والناس بتحب أحمد حلمي والفيلم مسلي عشان عيلة وكده".

وتابعت: "مواقفي من الأدوار الجرئية ممكن خلتني مش موجودة لفترة من الزمن ويمكن هذا الموقف برضو اللي خلاني عملت مسلسل أم كلثوم واترشحت والناس صدقتني في أم كلثوم لأنها حالة لأن محدش يفتكر لى مشاهدة معينة غير مناسبة".

شاهد المزيد من أخبار مسلسلات رمضان عبر بوابة دراما رمضان 2025