وتقابل حبيب.. أنوشكا عن دورها فى شخصية الحما الشريرة: "أنا فى الحقيقة مش كدة"

علقت الفنانة أنوشكا، على دورها فى شخصية "إجلال" الحما الشريرة فى مسلسل "وتقابل حبيب"، قائلة:" أنا فى الحقيقة مش كدة، و الفنانة بتول الحداد مجتهدة بدرجة كبيرة، ومبتغلطش، واحترم زملاتها وسعيدة بالزمالة دى، لأنها جميلة وحافظة وواخدة الأمور بجدية".

وأضافت أنوشكا، خلال مداخلة لبرنامج "الستات مايعرفوش يكدبوا" المذاع على قناة سى بى سى، أفخر بزمالتها لأنها محترمة نفسها واللى حوليها فى اللوكيشن وده حقها عليا وعلى أى زميل.

أوضحت أنوشكا، دورى فى المسلسل مكنتش شايفاه شريرة، وهى أتولدت وكبرت فى مناخ صارم للغاية مكنش فيه مجال للحب، والمناخ اللى اتولدت فيه "إجلال" جعلها صارمة وقوية، وكانت بدوس على أى حاجة، تدافع عن إمبراطورية اقتصادية، وأهم حاجة بالنسبة لها مصلحة ولادها".

ولفتت أنوشكا إلى أنها سوق أقدم أغنية جديدة فى حفلة بالأوبرا عن قريب.