صابرين عن أحمد زكى: من أهم أسباب تعبه إنه كان لوحده بدون أسرة

كشفت الفنانة صابرين أثناء حلولها ضيفة على قناة CBC أمس أن الفنان الراحل أحمد زكي من أهم أسباب تعبه أنها حينما كان يذهب لمنزله لم يكن يجد أسرة وكان بمفرده، قائلة: "وحيد حامد قالي انتي احمد زكي الممثلات بسبب زينب الغزالي لما قدمتها معاه في مسلسل الجماعة، وأنا بحب أتقمص وأهضم الدور، ولكن لما بروّح وجود أسرة وبيت وشغل معاهم مرتبطة بيه بيفصل وبيطلع الواحد من الشخصية اللى متقمصها".

وأضافت صابرين: "من أهم الحاجات اللى سببت تعب شديد للراحل أحمد زكي هو إنه كان عايش لوحده فكمان ما كانش بيفصل عن الشخصية".

تحدثت الفنانة صابرين عن أكثر ممثلة تعتبرها مثلا أعلى لها في السينما المصرية بقولها: "الفنانة شادية أعتبرها أهم ممثلة جات في تاريخ السينما المصرية والعربية، كمان الفنانة سعاد حسني معاها، وده لأنهم متنوعين جداً، وقدموا كل حاجة من مختلف أنواع التمثيل".

كشفت الفنانة صابرين عن أسوأ قرار اتخذته في حياتها أثناء حلولها ضيفة على قناة CBC بقولها: أكتر حاجة غلط خدتها في حياتي هي إني بعدت عن الغناء وركزت في التمثيل بس، رغم إن ده كان ليه أسباب منها إن في حاجات كتير اتعرضت عليا مهمة جداً زي مسلسل أبو العلا البشري والمخرج محمد فاضل خدني في أكتر من حاجة فما عرفتش مع التصوير اركز في الغنا كمان".

تطرقت الفنانة صابرين إلى طريقة أداء الشخصيات التي تلعبها في مشوارها الفني قائلة: "بقول لنفسى جملة كل ما أنزل أروح أصور دور جديد، وهي اوعي تبقى محترفة خليكي هاوية، علشان أفضل محتفظة بروحي بتاعة زمان، وأبقى نفسى أعمل الدور بتميز زي ما كنت في البدايات، لأني لو بقيت محترفة وواثقة بزيادة في نفسى مش ها أنفذ الدور مظبوط".

أيضاً أضافت صابرين عن دورها في مسلسل مسار إجباري: "دور الأم في العمل كان يبدو بسيطا، ولكن ترك علامة وبصمة مميزة عند الجمهور، فأنا حينما أذهب للتصوير حتى الآن لا أزال أحتفظ بشغفي وكأنى هاوية في بدايتي".