ممرضة فى حرب تحرير سيناء تروى قصة علاج جندى من الحروق ورد الجميل لها

استضاف برنامج "الستات ما يعرفوش يكدبوا" المذاع على قناة سى بى سى، سيدة الكمشوشى ممرضة خلال حرب تحرير سيناء، للحديث عن دورها الوطنى خلال فترة الحرب، فى ذكرى تحرير سيناء.

وقالت سيدة الكمشوشى ممرضة خلال حرب تحرير سيناء: "كان عمرى 19 سنة وحصلت على دبلوم تمريض وتخرجت وفوجئت بتعيينى فى مستشفى السويس، ولما دخلت المستشفى لقيت رئيسة التمريض من السويس وروحها حلوة، والمستشفى نظيفة".

وأوضحت سيدة الكمشوشى: "أنا أتعينت فى المستشفى سنة 1971 قبل الحرب بعامين، واستقبلت فى يوم أحد الجنود كان اسمه نبيل جورج جانا المستشفى بعدما تم حرق الخيمة اللى كان فيها واتصاب بحروق فى جسمه بنسبة 70%، فرئيسة التمريض طلبت منى أمرضه، وجلست معاه حوالى شهرين ونصف، والحمد لله خف".

تابعت، بعد ما نبيل جورج ده خف وانهى مدة تطوعه بالجيش بحث عن عنوانى، ولقانى وفوجئت بعد فك الحصار، وعودتى لبيتى أنه كان بيدور عليا، وبعد ما عثر على عنوانى طلع على محطة مصر وسأل واحدة كانت واقفة على الرصيف عن العنوان اللى فى ايده فقالتله :أنا أختها، فشرح لها اللى حصل معاه وقال لها مش هنسى جميلها عليا طول العمر، وجاب أولاده وجانى، واحنا الاتنين كنا فرحانين، وانا بقيت فخورة وفرحانة باللى حصل".