نفسى أرجع امشى من تانى.. عزة مصطفى تناشد وزير الصحة بإجراء عملية لـ سمر

سلط برنامج "الساعة 6"، الذي تقدمه الإعلامية عزة مصطفى، على قناة الحياة، الضوء على حالة إنسانية لفتاة "سمر أحمد" عمرها 29 سنة، متزوجة ولديها طفلين، أصيبت بخراج فى ظهرها أثر على عمودها الفقرى.

وروت سمر أحمد المقيمة فى قليوب بمحافظة القليوبية، مأساتها للبرنامج وإصابتها باعوجاج فى العمود الفقرى، قائلة:"تعبت لما شلت حاجة تقيلة بالغلط والدكتور قالى لازم تتحولى على مستشفى، وبعد خروجى من العملية حسيت بألم فى ظهرى وكل يوم كان بيزيد".

أضافت سمر:" رحت للدكتور تانى، فشاف الأشعة فقالى انتى محتاجة عملية بشكل عاجل، علشان عندك خراج فى سلسلة ضهرك، ما بين الفقرة التالتة والرابعة، فقلت له أنا خايفة من العملية قالى هنبتدى بالعلاج لو جاب نتيجة هنكمل، وكل يوم بيعدى حسيت انى مش قادرة أحرك رجلى".

تابعت سمر، "حياتى اتدمرت ووقفت بسبب انى مش عارفة اتحرك وتعبانة، ونفسى أقف على رجلى علشان خاطر عيالى ووالدى، والعلاج اللى باخده غالى جدا، وبعد ما زهقت الدكاترة قالولى لازم إجراء عملية، وانا نفسى أرجع تانى زى الأول وامشى وأقف على رجلى".

وناشدت عزة مصطفى الدكتور خالد عبد الغفار وزير الصحة ومحافظ القليوبية والجامعات المصرية أو الأحزاب وحياة كريمة بإجراء العملية لسمر فى أسرع وقت كى تمارس حياتها الطبيعية.