وفاء عامر تروى قصة سفرها من بلد لآخر للإصلاح بين زوجين.. فيديو

روت الفنانة وفاء عامر قصة سفرها من بلد لأخر للإصلاح بين زوجين، قائلة:"فى حد سوسة دخل ما بين الاتنين دول والدنيا كانت خربانة والبيت كان هيبوظ، وأنا فى أى حاجة زى كدة ممكن أجرى".

وأضافت وفاء عامر خلال مداخلة لبرنامج "الستات مايعرفوش يكدبوا" المذاع على قناة سى بى سى: "لما بتعملى الخير وتصلى بين الناس هتلاقى وشك وقلبك منور، والناس حباكى من غير سبب، وربنا مراضيكى بردو من غير سبب، المهم السعى للخير دايما".

وتابعت:" كنت بهزر أنا وزوجى محمد وأقوله إن فى وحدة بتحاول تخرب بينا فلاقى نفس الأمر حصل عنده هو كمان، علشان كده مستمرين لحد النهاردة، ولما بلاقى الست اللى دخلتها بيتى بتعمل فيا كده وبتحاول تخرب بيتى بستمر معاها عادى علشان أقهرها زيادة".