أستاذ المناعة: هذه الأغذية مفاتيح النشاط الذهنى والمزاج المبهج

أكدت الدكتورة أماني الشريف، أستاذ المناعة بجامعة الأزهر، أن التركيز على نوعية الأطعمة التي نتناولها يلعب دورًا كبيرًا في تحسين النشاط الذهني والحالة المزاجية بشكل عام، مشيرة إلى أهمية بعض المكونات الغذائية التي تُعد بمثابة "غذاء للعقل".

وقالت أستاذ المناعة بجامعة الأزهر، خلال حوار مع الإعلامية مروة شتلة، بحلقة برنامج "البيت"، المذاع على قناة النس، اليوم الأربعاء: "من أهم العناصر اللي لازم نركز عليها هي الأوميجا 3، ودي موجودة في مصادر نباتية زي بذر الكتان، بذور الشيا، وعين الجمل، وكمان في مصادر حيوانية زي البيض، والسلمون، والمكاريل، والأنشوجة، وهي أسماك دهنية مفيدة وسعرها مناسب ومتوفرة".

وأضافت أن الأوميجا 3 يمكن أيضًا الحصول عليها في شكل كبسولات تُؤخذ يوميًا دون ضرر، مشيرة إلى أن تناول وجبة سمك مرة واحدة في الأسبوع على الأقل مفيد جدًا، خاصة إذا تم طهيه بطريقة صحية كالشوي أو الفرن.

وتابعت: "كمان من الحاجات اللي بتنشط المخ وتزود التركيز هي مضادات الأكسدة، زي اللي موجودة في التوت بأنواعه المختلفة، والتوت مش بس بيزود القدرة الذهنية، لكنه كمان بيجدد خلايا الدماغ، وبيساعد على التعلم السريع، وبيُعتبر دلوقتي من أهم فيتامينات الجمال بسبب تأثيره على الكولاجين".

أما عن البطيخ، قالت الشريف: "البطيخ في مركبات زي السترات ميليت اللي بتحسن وصول الدم للمخ، وده معناه أكسجين أكتر ونشاط ذهني أعلى، كمان غني بالألياف اللي بتغذي الميكروبيوم في الأمعاء، وده بدوره بينتج 90% من هرمون السعادة – السيروتونين – وده السبب إننا بنحس ببهجة بعد أكلة بطيخ".

وتابعت: "التغذية الذكية مش رفاهية، دي ضرورة لصحة المخ والنفس. خلينا نختار أكلنا بعناية، ونستغل نِعم ربنا اللي موجودة حوالينا في مواسمها".