د. وسام منير تكتب: ممنوعات على طلاب الثانوية العامة قبل الامتحان

في مثل هذا الوقت من كل عام يأتي موسم الامتحانات لطلاب الثانوية العامة على مستوى الجمهورية، لحصد ثمار عام من الاجتهاد والمذاكرة، عام قدم فيه الطالب والأسرة معا الكثير من التنازلات حفاضا على الأجواء الأجواء المناسبة لضمان نتيجة يرضاها كلاهما.

وعلى طلاب الثانوية العامة للحفاظ على الأجواء التي تحقق النجاح والوصول إلى النتيجة التي يرجونها الالتزام بعدة أمور أبرزها.

1-  ماتسهرش طول الليل!

المخ مش جهاز كمبيوتر لو ما نمتش مش هتعرف تفتكر ولا كلمة. نام 6 أو 7 ساعات على الأقل عشان تصحى فايق.

2- ماتشربش قهوة كتير!

"آه الكافيين بيصحصحك، بس لو زودت الجرعة؟ هتتوتر، قلبك يدق بسرعة وممكن يدوخك.. خليك في كوباية واحدة وبس وكمّل باقي اليوم على مياه.

3- ماتراجعش المنهج كله قبل اللجنة!

اللي ذاكرته ذاكرته ما تشتتش نفسك راجع الملخصات السريعة أو الحاجات اللي كانت بتلغبطك وبس.

4- اوعى تأكل أكل تقيل أو تجرب حاجة جديدة قبل الامتحان.

5-  بلاش مذاكرة جماعية مع الناس اللى بتوترك!

صاحبك اللي طول الوقت بيقول الامتحان صعب ومش هنلحق ده بلاش منه خالص فى أيام الامتحانات.

6- ما تمسكش الموبايل

مفيش أى بوست هيقوّيك.. لكن في بوستات هتخوفك! اقفل الموبايل وركّز في نفسك.

7-  متراجعش تحت اللجنة!

الناس حواليك متوترة، وأنت دماغك هتتلخبط، سيب المعلومة تترتّب في مخك.. مش لازم آخر لحظة تحشى فيها معلومات.
 

نصائح سريعة لطلاب الثانوية العامة
 

- حضّر أدواتك من بالليل عشان متقومش الصبح تدور على الآلة.
- افطر كويس بس خفيف.
- خد نفس عميق وادخل اللجنة وأنت بتقول يا رب عملت اللى عليا.. وإن شاء الله ربنا هيكرمك