نوال أحمد الدجوى تعيد إثارة الجدل عن اتهام والدها بالسرقة: مين اللى خد الفلوس

نشرت نوال أحمد الدجوى، ابنة الراحل أحمد الدجوى، وحفيدة الدكتورة نوال الدجوى، منشور عبر صفحتها الرسمية، فتحت فيه ملف اتهام والدها وعّمها بالاستيلاء على أموال جدتها، بشأن القضية التي شغلت الرأي العام في وقت سابق، وانتهت بحفظ التحقيقات وتبرئة والدها تمامًا.

وكتبت نوال: "محامي جدتي اتهم والدي وعمي زورًا إنهم خدوا فلوسها، واتكلم الإعلام كله عن الموضوع، والاتهام ده كسر قلب أبويا الله يرحمه… لكن بعد أكتر من 25 يوم تحقيق في النيابة، طلعت النتيجة: أبويا وعمي بريئين، ومخدوش ولا مليم".

وطرحت نوال تساؤلات؛ قائلة: “من حقي اعرف مين اللي فعلاً خد الفلوس؟ ومين ظلم أبويا واتهمه ظلم؟ ومن المستفيد من كل اللي حصل؟”.

وأعربت عن حزنها لانقطاع العلاقة تمامًا مع جدتها، قائلة: “ليه جدتي ما بقتش تسأل عننا.. ليه ما بقتش حتى عايزة تشوفنا.. أنا نوال اللي شايلة اسمها… ليه نسيتني .. دي مش ماما نوال اللي أنا عرفتها وكبرت في حضنها".

وتساءلت ابنة الراحل عن أسباب إسقاط الشكوى، قائلة: “ليه المحامي أسقط البلاغ؟ ولو الفلوس ما بقتش تهم، ليه اتوجه الاتهام من البداية.. وهل كانت هي اللي وجهت الاتهام فعلًا؟".

وفي ختام رسالتها، أكدت نوال أحمد الدجوي أنها لن تصمت، وأنها ستحارب من أجل استرداد كرامة والدها الذي مات دون أن يسمع كلمة اعتذار، قائلة: “لو ما عرفتش أرجّع حقه، ما استحقش حتى أشيل اسمه".