مأساة ودموع.. عزة مصطفى تناشد علاج "صباح" وإجراء قسطرة لها "فيديو"

عرض برنامج "الساعة 6"، الذي تقدمه الإعلامية عزة مصطفى، على قناة الحياة، قصة مأساوية للسيدة صباح صالح، التى تحتاج لقسطرة علاجية، حيث أكدت عزة مصطفى أن السيدة محتاجة حد يطبطب عليها ويجرى لها عملية قسطرة".

وقال التقرير إن السيدة كانت تعيش حياة بسيطة تكافح مع زوجها علشان يروا أولادهم الأربعة، حياة صعبة لكنهم راضيين، إلى أن وقفت الدنيا فجأة والسبب كانت فتاق سرى دخلت الأم على إثره غرفة العمليات، وبعدها بعدة أيام ظهر خراج واضطرت الدخول مرة أخرى، ومن هنا بدأت الرحلة الأصعب".

وروت السيدة المريضة مأساتها ورحلة علاجها وهى تعتصر ألما قائلة:" أجريت عملية الفتاق، لكن بعدها لم أستطع قضاء حاجتى فى الحمام، والطبيب قال لى قلة دخول الحمام سيدخلنى فى تحويل مسار، وانا خايفة منها، وكل حاجة بقوم بيها فى البيت بتتعبنى، وبلاقى العملية اللى فى بطنى فتحت وبتجيب دم، ونفى حاجة تريحنى بعيد عن عكلية إجراء المسار".

أضافت وهى تبكى :"صعبانة عليا نفسى لما بتعب بنتى الصغيرة هى اللى بتدينى العلاج، وانا مريضة قلب أجريت قبل كده عملية دعامة وقسطرة، والدكاترة أكدوا إنى محتاجة قسطرة تانية ضرورى، وتحويل مسار للإخراج، والعمليات فوق طاقة جوزى اللى شغله يوم بيوم، وكل حاجة عبء على طاقتنا، ونفسى أرجع زى الأول والله تعبت".