انهيار زوج ضحية حادث دهس التجمع: "بنتى مش بتتكلم من الخضة".. فيديو

أوضح هشام وهدان زوج ضحية حادث الدهس بحديقة التجمع في أول ظهور له عبر تليفزيون اليوم السابع، احنا ماسكين غفرة فيلا في التجمع، وأمام البيت في حديقة بنقعد فيها يعني مش خروجه زي ما الناس بتقول، وجات الست وهي ماشية علي الطريق داخلة بسرعة غريبة الشكل، ودخلت علي الحديقة ودهست عيالي تحت عجل العربية وزحفت بيهم مسافة طويلة

وقال زوج ضحية حادث الدهس بحديقة التجمع خلال اتصال هاتفي علي تليفزيون اليوم السابع مع الزميل أحمد الجعفري في تغطية خاصة من إعداد إسلام شيبة، احنا ناس غلابة وشغالين علي دراعنا، والست يتمت عيالي، ومش عارف عملت كده ليه معانا، ولكن الحمدلله علي قدر ربنا، وأضاف، أنا مجبس عيل من ولادي، والولد التاني جسمه فيه كدمات، والبنت التانية مش بتتكلم من الخضة واللي حصل معاها، مطالبا، عايز حق عيالي ما يروحش هدر.