صانع المحتوى أحمد رمزي: "أهلي وأصحابي بيساعدوني في الفيديوهات"

تحدث صانع المحتوى أحمد رمزي، عن كيفية تنفيذه لأفكار الفيديوهات الخاصة به والتي ينشرها عبر منصاته على مواقع التواصل الاجتماعي.

وقال خلال لقائه مع الإعلامية منى الشاذلي ببرنامج "معكم" الذي يذاع على قناة "on": "أهلي وأصحاب بيساعدوني، الأول بتيجيلي الفكرة، وبشرحهالهم، وبيقولوا حلوة أو مش حلوة، وبعضهم بيقترح عليا مواقف معينة في الفكرة، حتى ربيع الحلاق كمان كان بيشارك وكنت أتمنى أنه يكون موجود انهاردة".

وأضاف: "المشاركين معايا في الفيديو، إما أهلي أو صحابي أو صحاب صحابي أو قرايب صحابي، واللي بيحصل إني بشرحلهم عاوز ايه والأدوار بتتوزع لوحدها".

وقال: "الطفل اللي ظهر في واحد من الفيديوهات بشنب، هو ابن حارس العمارة، والأزياء دي بنجيبها من قرايبنا، وبنروح لحد من صحابنا نصور في شباك أو شقة أو بلكونة، وبنعرف الناس اننا بنصور، ومفيش حد بياخد فلوس، بس كله مصدق وكلهم بيساعدوني".